最近發生好多事情，好多嘢我唔想講。我唔想火上加油，但係心中的而且確有好多嘢想講出嚟。

啱過完年，我唔想打咁多嘢，淨係想強調三個重點——「彼此尊重、入鄉隨俗、重本土化」。

首先係彼此尊重，某「畀人招安咗嘅學運領袖」唔知係從前掛住搞學運定係點（又可能係招安後畀人洗腦洗得好犀利），個腦完全係冇「尊重」呢兩個字嘅。喺一個國營嘅電視臺（犀利，國營電視臺會請啲噉嘅偏激份子講嘢）節目度大肆批評、詆譭、侮辱一個地方嘅人，當中不乏戾橫哲曲之辭（譬如話因為啲人質素唔高所以先有法治），我真係唔明呢啲咁失儀態嘅人點解可以做到敎授。

另外就係入鄉隨俗，呢樣嘢好多人唔係做唔到，而係唔肯做。以為自己嘅文化（或者唔係自己嘅㖭）強勢、有官方力撐就威嗮、甚至乎覺得淨係可以容有一個具統一性嘅文化（語言、文字等），呢種「有你冇我」嘅心態衹會令到佢哋去到世界各地都會唔受歡迎——就算人哋係做到好歡迎佢哋，都衹會係流於表面（譬如睇在錢銀份上）。

最後就係注重本土化，我承認好多時候我哋身邊好多人係有一種奴性，不過唔係嗰個乜水講嗰隻所謂「奴性」（唔受佢哋侵略、洗禮就等於崇外，犀利），而係成日有住「隔籬飯焦香」呢個諗法——乜都係人哋優越，無論係「西方」定係「北方」，總之學佢哋嘅嘢、跟隨佢哋就係正路。呢啲咪真係奴性囉，忘本、輕本係最大嘅奴性，因為呢啲人已經畀他人支配住，已經冇嗮自己嘅特色——人唔似人，鬼唔似鬼。

係文化嘅共融同交流裡面，大家一定要保持理性，接納他人帶嚟嘅新事物，亦都將自己有嘅好嘢帶出去（甚至可以感染他人戒甩陋習）。永遠要記得，有啲嘢係不可棄嘅，包括我哋嘅語言、文字、法治精神同價值觀。

袁崇煥金句，抗推普機口號

今朝出去食早餐，晨早流流就聽到啲激心嘢——「粵嚴令媒體 推普限制粵方言」……喂大佬，感冒病人唔襟激㗎，又玩？又嚟？

返嚟開腦一睇，噢，推普機徹底駛入嶺南，廣東玩完！

【on.cc 訊】去年廣州當局建議禁止電視及電台播廣東話節目，事件引起廣州大多數市民抗議而告一段落，但「廢粵」風波卻又死灰復燃。廣東省政府近日頒布政令，規定由明年三月一日起，全省廣播節目、公務員和集體活動等，均須採用普通話；企業、商品名稱及招牌亦不得使用繁體字，否則將受到行政處罰……（詳細新聞、延伸閱讀）

所以話，我哋真係唔可以咁單純。上一年廣州市長汪洋一句「我都學緊廣東話（廣州話）」，好多人就當係「定心丸」。之不過，上頭北官又點會咁好死放生我哋南方人？推普機又點會就此停止？而家就捲土重來喇，重變本加厲、更加強硬喇，絕望未呢？

其實我哋唔可以絕望，佢愈係打壓，我哋就應該愈強硬噉保護自己文化至係。大陸境內嘅嶺南人守唔住，重有我哋港澳同埋海外嘅嶺南人支援。我哋要做好迎戰嘅準備，一齊嗌嗰句口號：「挑那媽，頂硬上！」

嶺南人，認祖歸根撐到衡，加油！

首先，「你」（「儞」嘅簡化字，異體字「伱」）的而且確係比較「萬能」嘅第二人稱代詞——因為佢係企人邊，冇特別指明性別、屬性或者乜嘢，就係齋講「You / Your 」。而「妳」呢，由於佢係「女」字部，所以係專指女性嘅第二人稱。最後就係「祢」（又「袮」）同「禰」嘞，「祢」係「禰」嘅異體兼簡化字，喺《聖經》等典籍經常見到，指代各種宗教上神明嘅尊稱。特別要留意嘅就係「禰」字嘅廣州話讀音係依然存在爭議嘅，一派學者認為佢應該遵循《廣韻》嘅古音作【微 / mei⁴】音讀，另外又有學者主張應讀作【尼 / nei⁴】。

最後要講嘅，就係廣州話比較少見個「您」字，通常嚟講如果係要代指一啲受尊敬嘅人士嘅時候，我哋係會用「閣下」嘅。其實，尊稱人或事嘅第二人稱喺歷史以嚟層出不窮——「汝」、「女」、「爾」、「而」、「若」、「乃」……大家以後寫嘢，不妨用下唔同稱謂嘅方式，唔好用死「你」喇喎！

大家久候矣。

尋晚經過國金二期Apple Store ，個門面真係令我異常感動——我咁大個仔，都未見過一個人嘅離世可以令到有咁多人一齊悼念、一齊去做啲好有創意嘅事嚟紀念同向一個人致敬。

（我唔清楚佢哋有冇合作關係）既然Studio A 都有賣蘋果產品，噉照計係同Apple Store 存在競爭關係㗎喎，又會咁有心送個花圈嚟畀Apple Store 喎……睇嚟因為Jobs ，同行都可以團結起嚟？

市民同遊客紛紛駐足，見證呢個塲面……要記住，已經成晚黑十一點，重係咁多人。

Jobs 啲擁躉真係好有心。

iPad – iSad ……

寥寥數語，淚已滂沱。

再強調多一次，晚黑十一點，重咁多人駐足。

好有心息，確係延續咗Jobs 嘅創作精神。

不乏富香港特色嘅紀念品。

講真，呢個「Memo Cloud 」真係好壯觀。

謹代表屈機網向你致敬。

解決方法，就係安裝呢個擴充。裝完之後，就有得設定瀏覽網頁時強制用嘅字體。祇要唔係設返做新細明體、細明體、新宋體或者宋體呢啲字體，字體斷裂問題就會解決。（下圖小弟用嘅字體係「明蘭」）

雖然呢個解決辦法唔算係完美（喺有啲地方唔可以強制套用字體，重係會斷裂），但係點都好過解決唔到，係咪？

（Google 幾時先肯整返好佢呀～）

首先，容小姐同早前小儀以及一眾「街坊」一樣，將「酷」字錯讀成【號】音（唔該，呢隻字係作【huk6】音㗎），其次，佢喺個告白度竟然將「飲傳統涼茶」當做「興唔興」嚟講。唔係想得罪容小姐啲擁躉，但係個廣告商呢個構思，真係有啲低能……囉。

所謂嘅「清熱酷『涼茶』」，有啲咩成份呢？我哋嚟睇下——白茅根（好，算你有啲清熱嘅功效）、青檸（呃……係咪可以強身健體㗎？），重有一大堆調味劑……重有呢？冇嗱？噉就可以叫做「涼茶」㗎嗱？噉我哋嶺南人（越閩等地）嘥咗幾千年研究出嚟「懸壺濟世」嘅堅嘢涼茶係乜嘢？

事實上，傳統涼茶有幾多學問，呢啲「新興飲料」嘅生產商又點會清楚？呢隻飲落味道好似「寶礦力」嘅嘢飲，加啲白茅根成份就話可以清熱，計我話佢惟一嘅作用就係必要時攞嚟解渴咁大把嘅嗟～

所以，千祈唔好真係當「清熱酷」係「涼茶」呀，如果唔係，分分鐘有人畀佢累死㗎——都無助舒緩病徵嘅，飲嚟屙呀？

全球頻道：

大陸頻道：

有人問，「你唔係話去印度㗎咩？」冇計喇，成團咪改咗囉。

睇完圖，你可能會覺得，「你影相好唔掂喎！」小弟唔係玩開相機㗎……

發放次序：專利巴（大巴） + 電車，小巴，機塲邨巴，軌道交通，其他交通，敬請密切期待！

早前發佈：第一輯——專利巴（大巴）

第二輯，我哋嚟到《小巴篇》～～

地點係莫斯科同聖彼得堡。

首先係遠攝一張。

唔知咩牌子。

舊嘢。

好似係金旅，仿韓國車身？

大家估下係咩車……

係宇通呀！（澳門銀河有用嗰隻欵，其實都係宇通出品，可唔可以都叫做「村村通」？）

實在討厭宇通小巴……見佢前邊，憎佢後邊！

最後送上真嘅現代小巴～

非常多謝大家收睇，如果大家鍾意嘅話，不妨撳下粒「讚」，嚟鼓勵下小弟。

設立「世界網誌日」嘅目的係為咗向大家分享一啲有特色嘅網誌，等更加多嘅朋友可以閱讀到唔同類型、風格嘅網誌文章，進入唔同網主嘅內心世界。而今次，小站就想介紹幾個個人認為唔錯嘅網誌過大家。

盧總有嘢講：不留推薦開呢個網誌，網主盧總文筆生鬼，通俗得嚟又有文化，喺大陸宣揚嶺南文化嘅網誌最勁就係佢！

Listen to the wind – 羅城篇：一名居美華人嘅網誌，佢重視中華文化，係海外華人保護傳統嘅典範。

Engadget 中文版：雖然係一個好專業嘅數碼網站，但係佢骨子裡都係一個網誌，獲取科技最新資訊靠嗮佢。

怪獸君の巢穴：一名九十後熱血青年嘅小天地，嚮往自由，鍾意動漫遊戲，總之就係好典型嘅後生仔。

軟礦：網主收藏大量實用電腦小工具、大軟件，尋寶嘅寶地！

路大俠電腦技巧：電腦疑難排解，呢個網誌真係好有用！特別係有好多「冷知識」。

其實喺網絡世界，重有好多優秀嘅網誌。小生今後亦都會不斷努力，提昇小站文章嘅質素。大家不妨喺「世界網誌日」，多啲發掘身邊有價值嘅網誌喇！