Nuffnang ，係一個喺馬拉、星洲、呂宋同埋澳洲嗰邊好出名嘅網誌人社羣，家下啱啱立足中國。佢唔單止係一個廣告平臺，重係一個會幫網誌人搞活動同埋提供支援嘅「慈善團體」——唔係講笑。
不過大家要記住係要開Nuffnang 中國嘅戶口，唔好開香港站嗰個，因為香港站冇咩活動，而且我開咗成兩三個月都未有廣告畀我。家下中國站有一個活動，網誌人凡係加入咗佢個社羣，就可以同其他網誌人「瓜分」五萬人民幣。
事不宜遲，撳呢度登記喇：http://www.nuffnang.com.cn/blog/2011/05/23/challenge-1000
是日微博，一則資訊：
山東省副省長黃勝稱：方言節目要逐步退出黃金時段，國家通用語言文字的推廣普及是社會文明程度的表現，「再下去若干年，學校出來的學生不能說普通話，
參加外事活動不會說外語，那是敎育的失敗。」管得太寬了~ 其實普通話就是中國方言，只是官方認可而已，新一代長大的孩子不會說方言，那纔是文化的悲哀。
嗱嗱嗱，呢啲咪叫「文化單一化」囉！到時個個地方冇嗮自己語言文化，「民族統一」喇，P.R.C. 症苦開心喇！ 繼續閱讀 »
不分次序：
菲律賓有個差佬脅持香港人質，嗰日適逢家族聚餐，搞到成個家族逼喺酒樓電視前邊，幾擔心！
舊同學Jason 澳洲遇害，大好青年從此魂歸天國，惟有慨嘆人生無常！
七月歐遊，異國風情真美麗！
屋企換車、換投影幕又買藍光機，大陸又搬屋，真多事！
某人攞大獎，但係畀人禁錮攞唔到，會塲得張空凳。某國真羞家，我都好開心國際社會竟然會注意某國國情……
今年參加咗幾個多媒體創作嘅比賽，包括漫畫比賽同短片比賽。學校拍片Project 都一大堆，煩係煩啲但係都好好玩。
南北韓又鬧交囉，國際社會冇個好人，可唔可以畀佢哋自己解決？
表哥結婚，表姐畢業。雙喜臨門，恭喜恭喜！
無線出好劇，《公主嫁到》同《義海豪情》都唔錯！電影方面，新戲好多，可惜未有時間睇！
另外就係本站默默無名噉誕生咗……
最後恭祝諸位喺二零一一，二（易）做二（易）發、零舍精神、一展鴻圖、一帆風順，恭喜恭喜！
呢排要準備考試，唔係好得閒更新，敬請見諒！
諸位打咗咁耐字，可能真係慣咗。之不過「錯就要認，打就要企定」，一直做落嘅嘢發現有唔啱梗係要改喇。
「噉」同「咁」，其實好易分得出，首先就係讀音唔同。「噉」廣州話音【gam2 】，同「敢」同音。而「咁」嘅廣州話音係【gam3 】喎，同「禁」同音。
其次就係兩字嘅意思根本就唔同絕對唔可以撈亂嚟用。「噉」係代詞或者助詞，指「如此」、「般」或者「地」。而「咁」嘅詞性可以係連詞、副詞或者形容詞，指「這般」、「那般」。詞性同意思都唔同，又點可以用「咁」嚟代替「噉」呢？
點解要糾正？打乜都用死「咁」呢個字都唔係辦法嘅，讀起嚟要自己變調都唔方便喇，譬如：
唔係親眼見到佢咁樣，你真係估唔到佢係咁肚餓。咁大碗飯就咁畀佢擒擒青咁爬嗮，咁我哋食啲咩呀？
如果唔變調，全部直接讀，就會猛「禁」猛「禁」音，又點樣解得通呢？再睇返如果「噉」同「咁」分返開，情況係點：
唔係親眼見到佢噉樣，你真係估唔到佢係咁肚餓。咁大碗飯就噉畀佢擒擒青噉爬嗮，噉我哋食啲咩呀？
讀起上嚟，係咪好讀好多呢？所以，以後寫嘅時候唔好同我講話難分，讀下咪知點分囉！
早排小弟讚過《公主嫁到》劇情、對白有文化底蘊，有利於宣揚嶺南文化（詳見：http://waatgei.com/536.html ）。前晚忽然聽到話大陸中央電視臺（CCTV ）竟然買咗呢齣嘢，重諗住喺農曆新年期間嘅黃金時段播！嗰班嶺北同志竟然受我哋嶺南嗰套文化，我個名真係要調轉寫！
可惜，嶺北同志鍾意配音不突止，重鍾意淨係保留一個聲道，即係唔會畀原聲等人揀。可以想像得出，齣嘢啲押韻妙句同打油詩，如果配咗音過嚟，會係點樣……即時乜嘢古漢語鏗鏘有力嘅特色都冇嗮！
不過，噉樣對於我哋嶺南文化嘅推廣都唔係冇得益嘅！就好似小弟記得有一幕，丁財旺兩公婆帶樽「靚豉油」過去家姐丁來喜嗰處，話想佢整隻雞一齊食，正正演繹出我哋廣東嘅俗語「我出豉油你出雞」！
Google 識做，知道嶺南有唔同嘅文化，而且重係好強大。（笑）
講真，廣州話語音識別，Nokia 神早做咗，重做得唔錯。家下我S60v5 雖然已遭淘汰，不過嗰個廣州話發音同識別功能我真係好自豪……
以下文章轉載自PC3 網站，「廣東話」已被替換為「廣州話」，皆因佢通常都係認廣州話做標準……
【PC3ree.com 專訊】Google 將於手機上的 Voice Search 功能加入「廣州話」支援，未來用戶只要對著電話說出 Keyword 便可以立即找出所需的資料。事實上，其實 Android 已經內置了 Voice Search 功能，而 iPhone 則可以透過下載 Apps 加入這功能，但以往只支援以北方話作為中文語音輸入，現在加入廣州話則對香港用戶更為方便。有關的服務將於 12 月 2 日由 Google 香港正式發佈。
瑞士牌子「亞米茄」（Omega ，「Ω」嘜，有人叫「歐米茄」）嘅手錶出名到冇朋友，本身我唔想幫佢賣廣告，事關小站係非牟利（茂利？）嘅網站，但係今日上上下網忽然之間發生嘅一件事，令我好想喺處唱下……
瀏灠某大陸數碼產品討論區，忽然之間彈出一個網頁（唔係我中毒、亦都唔係Chrome 廢，Ad-block 都冇佢符）：http://omega.55451.com:89/（慎入，會唔會有啲咩牛鬼蛇神傷害諸位我真係唔知……）
好嘞，如果閣下膽粗粗開咗嗰個網（唔開也罷，唔影響閣下繼續閱讀），拉到最落邊……
心水清嘅笨友都應該知道，就算佢話係「惟一」，都唔應該相信——因為佢係流嘅！
好嘞，到戲肉嘞。等我哋嚟睇睇有啲乜嘢荒謬之處會畀人篤爆係流嘅：
——咁大個牌子，個「官網」使乜整噉嘅「站長統計」？忽然之間發覺，原來呢個流嘢網站真係好得意！唔知有邊個阿茂信咗，喺嗰處訂咗名貴嘅「亞米茄」手錶呢？（喪笑）
經過歷時唔係好耐嘅「精心研發」，寒舍嘅「屈機網 Win 7 / Vista 小工具」隆重登塲！
截至二零壹零年十一月十一號晚黑七點五十八分（發佈四日後），微軟經已錄得卅一個下載量，好嘢！
如果閣下係Windows 7 或者 Vista 嘅使用者，歡迎將佢放喺桌面，絕對亁淨！即刻走去Windows Live Gallery 下載。
話説阿三同蕉哥喺某強國開咗兩間舖，一間做清潔，一間做電訊。
最近佢哋鬧交，都向顧客宣稱「有你冇我」，幫襯得呢間就唔可以幫襯嗰間。
事實上兩個都唔係好人，蕉哥出名鬼鼠，阿三就做嘢愈嚟愈偸雞。
大陸軟件都冇個好人，強國網民嗱嗱啉鏟嗮佢，唔好傾QQ ，改用MSN ，防毒就揀AVG 。
