今日就介紹個遊戲網畀大家喇。
真材實料，唔係Flash 模擬嗰啲流嘢。（為保安全，請用Chrome 開。）
http://www.benfirshman.com/projects/jsnes/
諸位夠薑就用IE 或者Firefox 玩下，睇下會係咩樣……
「干」 ，不必要的合併
以下文章，基本轉載自Listen to the wind – 羅城篇 ，但經小弟稍作改動及增加內容。
簡化字的「干」合併了繁體字的「乾」（「亁」）「幹」「干」等字（不包含異體字榦）。簡化字的意圖是方便書寫及方便記憶。先來看看繁體字的筆劃：
| 干 | 幹 | 乾（「亁」） |
| 三畫 | 十三畫 | 十一（十二）畫 |
先介紹下「亁」字，有根有據，其字乃同「乾」之一義（Dry ）同義。小弟認為此字應該更有根據，惟無法找到證據支持……
雖然「幹」「乾」（「亁」）簡化成「干」，節省了八畫到十畫不等。 但是「朝」「潮」「嘲」等字在12畫到15畫，並沒有簡化。 「翰」「瀚」超過15畫亦沒有簡化。 「韓」簡化為「韩」仍有12畫。這些字大家在書寫上來沒有什麼意見。 可見幹乾兩字十一跟十三畫其實並不算多。不簡化亦不會造成太大的負擔。
再來看看簡化了是否減輕了學習漢字的負擔：
「乾」在簡化字的範疇內仍是規範漢字，讀作kin4 ，北方話作ㄑㄧㄢˊ 。如：乾隆、乾坤
（註：小弟認為，若表示Dry 之時，若使用「亁」字，應更為準確。）
「幹」雖然簡化了，但是擀麵的擀卻沒有簡化。所以仍需要記憶這個部件。
結論是沒有。
合併這幾個字的代價是：
造成歧義：這幾個字本來字義已經夠多了。將它們合併，發生歧義是不可避免的。
「干」細胞究竟是乾(dry)細胞還是幹(stem)細胞。雖然並沒有乾細胞一說，但是沒專業的人光看字面是難理解整個詞所表達的意思的。
「干」妹妹究竟是幹(verb)妹妹還是乾(step)妹妹。簡化字產生雙關語，涉及粗口，讓人看了不舒服。
形近：干跟千相近。合併後造成相近的機率更高。
不利於簡繁轉換處理：由於這幾個字是多對多的轉換關係，比一對一，一對多更為複雜。干字在轉繁體字要考慮三種情況。乾字要簡化的時候也要考慮兩種情況。給機器轉換造成一定的難度。大陸地區這種錯誤並不少見，如豆腐「幹」、「干」隆。
最後看看這些好笑的翻譯吧：
簡化字，怪獸字。
【以下詩歌蒐集自互聯網】=====
細雨蒙蒙（濛濛）没有水，
开（開）门关（關）门不見門；
烏云（雲）密布不下雨，
台（颱）风刮（颳）来哪有風？
戰斗（鬥）英雄戰大斗，
難怪豪杰（傑）不算人；
听（聽）字有口没有耳，
到底是說還是聽？
采（採）花不須用手摘，
相爱（愛）何必献真心？
白猫（貓）黑猪（豬）皆属狗，
老板（闆）原是木頭人。
干（幹）部看來都干（亁）癟，
会（會）上人云我亦云；
秋千（鞦韆）只宜秋季蕩，
冬冬（鼕鼕）鼓聲冬日聞。
面（麵）粉不須麥子磨，
窮人從此不挨餓；
更有高人好武藝，
一棒打去犬成龙（龍）。
读讲说谈（讀講說談）不開口，
声（聲）音何須耳朶聽；
「四舍（捨）五入」是甚麽？
四間房舍五人進。
勸君莫吃豬內脏，
内脏（臟）肯定都肮脏（髒） ；
山谷裏面沒太陽，
稻谷（穀）在此難生長。
别人盡做别（彆）扭事，
買個蘿卜（蔔）卜凶吉；
工厂（廠）設備都掏光，
广（廣）州也唱空城計。
丑角容貌並不醜，
唱曲應在喝曲（麯）後，
胡须（鬍鬚）頭发（髮）不長毛。
麵無麥， 運無車。 導無道， 兒無首， 飛單翼。 有雲無雨， 開關無門。 鄉裡無郎， 聖變怪。
=====
嗚呼真悲哀，我等漢字臨大災！
評CantoPop 「落料先係出路！」
CantoPop （廣州話流行曲）最輝煌嘅年代係五十年代至八十年代。嗰陣時啲歌仔旋律合理、悅耳動聽，最緊要就係可以帶出一啲有深度啲嘅訊息。即使當時好多音樂都係抄襲（美其名為翻唱）自其他地方嘅音樂，但係都可以將佢哋好好噉帶過嚟並且本地化。
輝煌印證：
五十年代——粵曲（任【音吟】劍輝等）；六十年代——電影歌曲（鄧寄塵、鄭君綿、陳寶珠及蕭芳芳等）；
七十年代——地道金曲（許冠傑、溫拿、徐小鳳、羅文及林子祥等）；八十年代——時代流行曲（張國榮、Beyond 、徐小鳳、譚詠麟及梅艷芳等）。
註：九十年代係就係依然強盛，不過出品總體而言已經冇以前咁精彩，所以小弟認為唔算係「輝煌嘅時期」。
再睇返今時今日啲流行曲，成個樂壇簡直就係一潭死水，怪唔知黃家駒都講過香港冇樂壇只有娛樂圈。五音不全嘅歌手年年量產垃圾歌，風靡萬千無知少男少女。整下容又話走去歌影視三棲發展。所謂嘅天王天后只不過係產量比較多咁大把，走音濫用假音照樣樣樣齊。行開唱片舖，隻隻唱片內容都係咁膚淺。封面設計完全冇深度，就係塞個死人樣入去。再聽聽啲歌，來來去去都係失戀熱戀暗戀……呢啲歌，簡直就係垃圾！可視之為「垃圾音樂」（Junk-Music ），聽到就唔開胃！
聽音樂，唔單只係要聽佢嘅旋律同唱腔，重係要品味佢帶出嚟嘅意思同想傳遞嘅訊息。創作人青黃不接，新一代填詞作曲似乎經已江郎才盡。經過小弟近幾年嘅觀察，CantoPop 真係唔可以再依賴呢啲唔需要乜嘢技術含量嘅慳皮歌。要將嶺南音樂繼續推廣出去，以避免海外及內銷市塲繼續被蠶食，真材實料嘅音樂先知係正確嘅出路。
乜嘢係真材實料？好簡單，有技術含量嘅就係真材實料。可以係識玩樂器，亦都可以係有高難度嘅唱技。喺呢處小弟就以搖滾樂（Rock ）同饒舌（Rap ）呢兩種音樂嚟舉例。由於呢啲音樂聽眾層面比較細，佢哋需要諗一啲更加犀利嘅音樂、填詞同意念嚟創作先可以將自己嘅音樂推廣開去。通常呢啲音樂都係有感而發嘅，即係話個歌手可能係經歷過某啲嘢或者想宣揚某啲嘢先做呢啲音樂嘅。舉個例，Beyond 啲音樂，好多都為咗宣揚反戰同和平。佢哋可能會反映某啲社會現實，甚至乎係想諷刺某啲事情。聽呢啲歌，唔單只要用對耳去聽，重需要用個腦佢諗。有腦嘅人同冇腦嘅人，聽呢啲歌感受會好唔同。
搖滾樂好多時候係想抒發對世間事情嘅睇法，而Rap 呢都係差唔多喎。Rap 由於比較遲傳入亞洲，特別係華人世界，所以好多老一輩嘅人唔係好接受。但係再諗返，其實佢哋以前都喺度聽説唱形式嘅音樂。遠至粵曲，中至鄧寄塵，近至許冠傑（《天才與白癡》等），其實呢啲都可以算係饒舌歌曲，只不過唔同稱呼嗟。而小弟認為，Rap 嘅最大特色就係體現到我哋地道詩詞同民間俗語嘅風味。嶺南地區擁有古漢語遺留落嚟嘅古雅詞彙同抑揚頓挫嘅音韻，並且不時吸納外來嘅詞彙，令到我哋啲詩詞俗語生動抵死，重可以押韻！睇返我哋啲廣州話Rap 歌，確係幾有詩詞嘅特色，格式整齊、用字巧妙，唱起上嚟分外悅耳！Rap ，其實無形中復興返我哋嘅詩詞俗語，應多予推廣嘅！
最後，奉上一首農夫有意思嘅Rap 歌《偉大航道》，絕對有敎育意義過你聽T～ 、J～ 同E～ 呢啲偶像派歌曲！
攜iPad 北上 自用都打成千文稅
首先，小弟對於某強國嘅貿易保護主義同出入口限制不予置評。凡事都有利弊，噉樣做始終都係有人得益嘅，你明喇。
不過，強國海關有時真係好離譜。好似iPad 噉，咪通其他手提電腦 / 電子書無異，點解要咁專門嚟收稅呢？你話打擊水貨，但係都識睇係咪自用㗎喇！連自用都收稅，簡直就係離嗮譜！
以下內容，轉載自加拿大《星島日報》：
最「潮」款式iPhone手機、iPad平板電腦日前成為大陸不少居民境外購物的時尚新寵，也成為連日來海關查獲的主要對象。深圳近期嚴查iPad走私，口岸也加強了對旅客的抽查力度，許多帶著iPad自用的旅客紛紛「中招」，在美國工作的張先生18日途徑香港回大陸探親，就因攜帶自用iPad被徵收了一千元（人民幣，下同）稅金。
本報訊
珠海拱北海關10月份至今，在拱北口岸辦理徵稅和退運手續的手機有446台、手提平板電腦有102台。同樣自4月份以來，羅湖海關每天至少查獲10多台iPad違規入境，涉嫌走私的案件達60餘宗為此羅湖海關加強了檢查力度，就算是自用者也需要繳納一千元的稅款。
「儘管已向海關人員出示了我iPad內的文檔、照片，但最後還是被逼交了一千元的稅。早知道就不帶iPad回來了。」在美國工作的張先生18日途經香港回大陸探親時，本想帶著iPad圖一個方便，最後卻為它繳交了一千元的稅金才被放行，直言相當無奈。
自7月iPad在香港上市以來，從香港流入大陸的iPad就愈來愈多，走私嚴重。羅湖口岸一名工作人員解釋：「大多數認為的自用物品就可以免稅其實是一種誤解。微型電腦屬於不給予免稅的二十種商品之一，他們都要按照五千元標準徵收百分之二十的稅，即一千元。」而二十種不能免稅商品分別為：電視機、攝像機、錄影機、放像機、音響設備、空調器、電冰箱（櫃）、洗衣機、照相機、影印機、程式控制電話交換機、微型電腦及外設、電話機、無線尋呼系統、傳真機、電子計算器、印表機及文字處理機、傢具、燈具和餐料。
按照海關總署2010年8月發布的《入境旅客行李物品和個人郵遞物品完稅價格表》，不論iPad或iPhone4，海外購入的機價若折算超過五千元，即使個人自用，進入大陸海關時，也需依數碼產品類申報，繳納總價百分之二十的稅金。
如果旅客帶入境的iPad數量較多，更可能被控走私。日前一名黑龍江男子9月由澳門經珠海九洲進入大陸時，被查出攜帶了三部iPad、三部數碼相機，交由緝私部門立案處理。據稱該男子是受親友之託在港澳購買了這些電器。
今乃舊同學傑明之追悼會舉行之時
吾友傑明，乃舊同學。赴澳留學，不幸遇難。（澳洲）
無良司機，謀其性命。十八出頭，萬事未完。
年少有為，竟被奪命。從此我等，有緣再見。
嗚呼悲嘆，世事無常。從今以後，珍惜生命
北大嶼山喜訊兩則
所以我話，住東涌不知幾好，遲早變第二個啓德！
以下文章轉載自香港政府新聞網。
其一：
港機場連續八年膺最佳機場
2010年10月08日
香港機場管理局昨天宣佈，香港國際機場在2010年第21屆TTG旅遊大獎選舉中脫穎而出，連續第8年獲選為「最佳機場」。
機管局行政總裁許漢忠表示，TTG大獎的優勝者，由不同亞太區地方的讀者投票選出，顯示旅遊業對香港國際機場支持有加。
他表示，獎項證明香港國際機場的60,000名員工每天努力不懈，並竭力維持機場的卓越服務。
許漢忠説，隨着香港國際機場的交通量與日俱增，會繼續提升服務及設施，確保旅客在機場享受最佳的旅遊體驗，也讓航空公司在安全可靠、效率超卓的環境下營運。
其二：
東涌體育館圖書館開幕
2010年10月09日
位於東涌市政大樓內的東涌文東路體育館及東涌公共圖書館，今天正式開幕，為區內居民增添鍛鍊體魄、消閒和自學進修的好地方。
康樂及文化事務署馮程淑儀於開幕禮上表示，文東路體育館和東涌公共圖書館於較早前投入服務，是康文署為區內居民提供優質文康服務的重要里程碑；並期待東涌游泳池明年開幕，為區內居民提供更全面的文康設施。
文東路體育館位於東涌市政大樓地下至2樓，總面積逾4,000平方米，包括可用作兩個籃球場、兩個排球場或8個羽毛球場的多用途主場館、乒乓球室、兒童遊戲室、多用途活動室及健身室。
東涌公共圖書館位於市政大樓地下及1樓，面積達2,700平方米，館藏逾21萬項。館內除了成人圖書館及兒童圖書館、報刊閱覽室外，還有學生自修室、多媒體圖書館及電腦資訊中心。
BugMeNot 偸雞睇要登入先睇到嘅嘢
以下內容，來自某電腦雜誌。
前提係同Chrome ，安裝呢個附加元件——BugMeNot。
原理好簡單，佢提供咗好多討論區嘅戶口畀人共用（記住，係共用）。包括好多我哋熟悉嘅討論區，譬如Uwants ，其他諸位自己試試。
喺呢啲討論區嘅登入頁面，㩒下地址列右邊嗰隻被禁蝙蝠，就會自動幫你填寫一啲登入資訊喇。記住，小心啲喎。
就咁簡單，呢嚿嘢真係好有用。有時真係唔想登記一啲無謂嘅討論區（你知，有時只不過係睇嗰個網一次咁多）。
角㷫折塊落，問你㷫唔㷫！
聽日角㷫【hing3 ，指悶熱】喎，北荒大軍殺到港澳，一定好熱鬧嘞。
噉怕多人嘅我，梗係要風水輪流轉，過嚟強國避下喇。唔通留喺購物天堂，同班善長仁翁逼咩！
所以，呢幾日搵唔到我好正常，唔使擔心我有啲咩三長兩短。（不過有時喺強國好難講……）
話時話，要真係慶祝角㷫，應該喺聽日定係喺由十月一號起數多九日嗰日呢？為免爭執，我都係唔好發表見解嘞，因住人間蒸發……
「反」與「撐」……
睇嚟，以後唔好亂咁用「反」呢個字眼。
諗返，雖然自己係冇所謂，但係外人睇起嚟要「反」，都係做一啲比較負面嘅事。
好似「作反（造反）」噉，其實係中性詞。視乎嗰件事係咪被世人認同，佢嘅詞性隨時轉變。
但係呢，呢個社會就係有啲人，硬係覺得「反」一啲嘢就係唔好嘅，無論「反對」定係「反抗」。
所以，為咗「迎合多數人嘅口味」，「反」某樣嘢，其實可以換一種講法，變成「撐」與之對立嘅嘢。
就好似「反食菸」噉，其實講成「撐禁菸」，其實都係一樣嗟！語氣強度並無降低，唔使擔心！
記住，以後遇著人唔鍾意你「反」嘅話，咪順下佢意，「撐」下囉！
即係話，我「撐廣東、撐廣州話、撐正體中文、撐香港、撐民主、撐人權」喎！係呀，冇錯！
